Маған жақсы мұғалім бәрінен де артық, өйткені мұғалім мектептің жүрегі!
Республикалық апталық газеті

Мұғалімдер арасында спартакиада өтті


22 января 2018, 12:52 | 1 151 просмотр



Талдықорған қаласының дене шынықтыру және спорт бөлімінің ұйымдастыруымен коледж мұғалімдері арасында спартакиада ойындарынан жарыс өтті.

elQWjdcsefE-300x200.jpg

Спартакиада Талдықорған Политехникалық колледжінің спорт залында болды. Сайыстың ашылу салтанатында қалалық спорт бөлімінің басшысы Әділет Рымтаев пен грек-рим күресінен Пекин Олимпиадасының күміс жүлдегері Нұрбақыт Теңізбаев сөз алып, «Рухани жаңғыру» бағдарламасы аясында және салуатты өмір салтын насихаттау мақсатында ұйымдастырылған шараның маңызына тоқталды. Жарыс қатысушыларына сәттілік тілеп, жылы лебіздерін білдірді.

d65cf840-c6aa-499d-a649-a8f5f4062a3a-180x300.jpg

Айта кетелік, спартакиада төрт спорт түрі бойынша өрбіді. Қатысушылар шахмат, тоғызқұмалақ, үстел тенисі және волейболдан өзара сынға түсіп, мықтыларын анықтады.

08fbc057-e292-4874-bf17-175ee473add0-1-300x180.jpg

Үстел теннисінен 1 – орынды Талдықорған өнеркәсіптік индустрия және жаңа технологиялар колледжі, 2-орынды Политехникалық колледжі және 3-орынды Талдықорған сервис және технология колледжі иеленді. Ал, шахмат жарысынан 1 – орынды  Талдықорған  Гуманитарлық – техникалық колледжі алса, 2 – орынды Политехникалық колледжі, 3 – орынды Өнеркәсіптік индустрия және жаңа технологиялар колледжі ұтып алды. Жеңімпаздар кубок, диплом және арнайы сыйлықтармен марапатталды.