Маған жақсы мұғалім бәрінен де артық, өйткені мұғалім мектептің жүрегі!
Республикалық апталық газеті

Жетісу кәсіпкерлерінің аллеясына жаңа көшеттер отырғызылды


19 апреля 2019, 05:44 | 1 195 просмотров



Алматы облысының Текелі қаласындағы Кәсіпкерлер аллеясына жаңа дем берілді. Жақында кәсіпкерлер, мемлекеттік қызметкерлер мен студенттер аллеяға жас ағаштар отырғызды. Аллея моноқаланың дәл орталығында орналасқан және аз уақыт ішінде көрнекі жерге айналып үлгерді.

Облыстық Кәсіпкерлер палатасының Текелі қалалық филиалының директоры Тұрысбек Жұмаділовтың айтуынша, жасыл баққа 10 қайың мен 40 қызыл шаған отырғызылды.

«Біз жыл сайынғы дәстүр бойынша жаңа ағаштар отырғызамыз. Бірнеше жылдан бері бұл жер қаламыздың әдемі орнынаайналды. Осыған кәіпкерлер бірлесіп күш жұмылдырып келеді», - дейді қалалық филиал басшысы.

Кәсіпкерлер аллеясы Өңірлік кәсіпкерлер палатасының бастамасымен 2014 жылы ашылды. Моноқалаларда саябақтарды жаңғырту бағдарламасын қолдау мақсатында кәсіпкерлер жеке қаражаттары есебінен аллеяға орындықтар қойып, 100-ден астам қылқанды және жапырақты ағаш отырғызды.

Еске салсақ, өткен жылдың сәуір айында Талдықорғандағы «Жастар» орталық паркінде  Алматы облысы Іскер әйелдер кеңесінің саябағы ашылған болатын.

 

 

 

Автор:
Ізгі ниетпен, Бейсенбек Диас Бейсенбекұлы Алматы облысы Кәсіпкерлер палатасының баспасөз хатшысы