Маған жақсы мұғалім бәрінен де артық, өйткені мұғалім мектептің жүрегі!
Республикалық апталық газеті

Сазбалшық құстары мен жәндіктері


28 июня 2019, 04:00 | 2 201 просмотр


Сабақтың  тақырыбы:    Сазбалшық құстары мен жәндіктері.

Сабақтың мақсаты:        

Оқушыларға су қоймасы өсімдіктері мен жануарларын қорғау жайлы мағлұмат бере отырып, жер бетінде жойылып бара жатқан өсімдіктер мен жануарлар әлемі  туралы  түсінік  беру. Оқушылардың сөйлеу мәдениетін дамыту,жүйелі сөйлеуге дағдыландыру, танымдылық  белсенділіктерін  арттыру. Жаратылыстың  әрбір мүшесін сүйе білуге,табиғаттағы  тіршілік иелеріне қамқорлық.жасауға,қорғай білуге  тәрбиелеу.

Сабақтың  барысы:

  1. Ұйымдастыру  кезеңі. (Психологиялық  дайындық)

                                          Пай!Пай!Киелі неткен жер!

                                          Батырлар дүрілдеп өткен жер!

                                          Тұлпарлар дүбірлеп төкен тер!

                                          Ғашықтар бір-бірін өпкен жер!

                                          Сарылып сал-сері кеткен жер!

                                          Бас иіп,иіскеп топырағын

                                          Тағзым жасамай өтпеңдер! – деп  Мұқағали  Мақатаев ақын жырлағандай, біз де,балалар,тылсым дүниенің тіршілігіне бүгінгі айналамен таныстыру сабағында бойлап көрейік.

  1. Үй жұмысын  тексеру. (Өткенді қайталау)

 

    III. Ой толғаныс.   берілген тапсырма бойынша  су  қоймасы   жануарларына сипаттама беру.

 

Жұмбақ жасырамын.

  1. Аяқсыз-ақ жорғалайды,жүреді,

       Аузы да жоқ,сыңғырлайды,күледі.

       Онсыз бірақ жер бетінде тірлік жоқ,

       Айтындаршы, осыны кім біледі? (Су)

  1. Өзі көк, көлеңкесі жоқ.(Көл)
  2. Шуға бөлеп жағаны,

       Қанаттарын қағады,

       Айдың судың түлегі,

       Шабақ іліп жүреді.(Шағала)

 

  III.Жаңа сабақ: Мағынаны тану.

    Поэзия минуты арқылы бүгінгі өтетін сабақтың тақырыбын ашу,яғни сумен байланысты екенін  аңғарту.

    Кең,дала,көрермісің сонау жатқан,

    Жібектей жасыл шөппен бетін жапқан,

    Әне,сол анам еді мені тапқан- дегендей,  Қазақстан-кең байтақ  республика. Табиғаты көркем, сұлу. Осы  табиғат сұлулығын суретшілер сурет арқылы берсе,сазгерлер шығарған,ақындар өлең жазған.

 

        1-оқушы:  Су деген тіршіліктің қамы емес пе?

                          Су деген табиғаттың жаны емес пе?

                          Су жоқ жерде өмір,жоқ ол-ақиқат,

                          Күміс су қара жердің сәні емес  пе?

        2-оқушы:  Ақ қанатты шағала,

                          Қалықтайсың жағада.

                          Көк теңізден шықпайсың,

                          Жағасында ықтайсың.

       3-оқушы:   Табиғаттың   тарылтпасын мөлдір кәусар тынысын,

                           Пәк табиғат,жүрегімнің тамылжыған жырысың!

                           Ей,адамдар,қалай ғана қатігездік жасайсың?!

                           Ол анаң ғой, ал сен кенже ұлысың!

   Картамен жұмыс:  ,  Бұл Қазақстан  Республикасының  физикалық   картасы.

    - Картаға бір сәт назар аударыңдаршы, қандай түстермен бейнеленген?

    - Жасыл түс – ойпаттар,сарғыш түс-қыраттар,қоңыр түс-таулы жерлер,көгілдір түс-өзендер мен көлдер.

    - Қандай  ірі  көлдер мен өзендерді  білесіңдер?

 Табиғаттың көркін ажарландырып,жер бетін саялы баққа айналдыратын байлық көзі – су.

    Ендеше,бүгінгі жаңа сабағымыздың тақырыбы, сазбалшық  өсімдіктер  мен  жануарлар. 

Дәптермен жұмыс:  Күннің ретін, тақырыпты жазу.

 

  1. Топтастыру:(оқушылар тақтаға су қоймасындағы жануарлармен  өсімдіктерді топтастырада

 

сазбалшық

 

 

 

 

Жануарлары             Өсімдіктері

                  Инелік                                                                        Қоға                                                                               

                 Суаршын                                                                     Қамыс

                 Ұлу                                                                              Ақ тұңғиық

                 Сүңгуір қоңыз                                                           Сары тұңғиық

                 Шабақ                                                                          Балдырлар

                 Итшабақ                                                                     Балықот

                 Алабұға                                                                      Қалың құрақ.

                 Сазан

                 Құндыз

                 Жұпартышқан

                 Күзен

 

 

  а)   дәптерге жаздыру. (2 оқушыға оқытамын)     

  б)  сазбалшық өсімдіктері  мен жануарлары тақырыбына әңгіме  оқып мазмұнын айтқызу)

   Жоспары:

  1. сазбалшық қандай түрлері болады?
  2. сазбалшық өсімдіктерінің құрлық өсімдіктерінен қандай ерекшеліктері болады?
  3. сазбалшық өсімдіктерінің ондағы басқа тіршілік иелері үшін қандай маңызы бар?

Сазбалшық өсімдіктерімен жануарларын қорғау,жағалаудағы қамыс,қоғаны шауып алу, мал   жайылып таптап кетсе,суды ластаушы заттардың әсерінен  де су тез буға айналып,су қоймасы кеуіп кетеді.

    - Қандай ластаушы заттардың әсерінен  су қоймаларындағы жануарлар мен өсімдіктер тіршілігін  жояды деп ойлайсыңдар?

 

  Қорғау үшін өзің қандай үлес қосар едің?

  Дәптермен жұмыс: Табиғатты қорғау ережелері.

 Қорытынды:   - Сендерге жаңа сабақ түсінікті ме?

Туған жерімізді,табиғатымызды қадір тұтатын болсақ,оны аялай білейік,не жетіспейді,не ғаріп дегенде қарт абыз.

  Ел жағалай қонбаса,

  Бетегелі бел ғаріп.

  Қаз,үйрегі болмаса,

  Айдын шалқар көл ғаріп,-депті.Ендеше,жоғалтқанды жоқтаған жөн болғанмен,

 жоғалтпаған жақсырақ одан гөрі –деп, сабағымызды  Исабаевтің өлеңімен толықтырсам артық болмас.

Жүрегімді тербеген бір арман бар,

Аман болсын аңдар,құстар,ормандар.

Ақыл-ойды жоюға емес адамдар,

Тіршілікті қорғау үшін арнаңдар.

 

Бағалау:               Сабаққа жақсы қатысқан оқушыларды мадақтап, бағалаймын.

 

«Сарқан қаласының облыстық зерде бұзылыстары бар балаларға арналған арнайы мектеп-интернаты» КММ-нің

биология пән мұғалімі

Ахметова Шынар Асылбековна

 

 

 

Автор:
Ахметова Шынар Асылбековна