Маған жақсы мұғалім бәрінен де артық, өйткені мұғалім мектептің жүрегі!
Республикалық апталық газеті

ұстаздарға арналған салтанатты қабылдау өтті


4 октября 2019, 10:37 | 80 просмотров


Алматы облыстық білім және ғылым қызметкерлерінің кәсіподақ ұйымы ұстаздар күніне орай «Ұстазым-ұлағатым, үлгі-өнегем» атты салтанатты қабылдауын ұйымдастырды.

Оған Алматы облыстық білім басқармасы басшысының орынбасары Ж. Сүлейменова, «Нұр Отан» партиясы Алматы облыстық филиалы төрағасының бірінші орынбасары Ғ. Сарыбаев, Алматы облыстық кәсіподақтар орталығының төрағасы Ә. Қыдырманов және облыстық, аудандық, қалалық деңгейдегі мекеме басшылары,  ұстаздар мен сала ардагерлері қатысты.

Мұғалімдер мен Кәсіподақтар күні мерекесі қарсаңында өткен салтанатты қабылдауда мерекелік бейне ролик көрсетіліп, кәсіподақ ұйымының атқарған жұмысы көпшілік назарына ұсынылды.

Шарада алғашқы құттықтау сөзін облыстық білім және ғылым қызметкерлері кәсіподақ ұйымының төрағасы Садық Әбдіқадыров алып, ұстаздардың мәртебесін арттыру үшін білім саласының қызметкерлерімен бірлесе жұмыс жүргізгенін жеткізіп, педагогтарды төл мерекесімен құттықтады.

Сонымен қатар, мереке қарсаңында «Ұстазынды ұлықта, сыйлауды әркез ұмытпа!» акциясын  ұйымдастырылғанын, оған белсенді азаматтар қатысып, ұстаздарға сый-құрмет көрсеткенін жеткізіп, акция әлі де жалғасатынын айтты.

«Нұр Отан» партиясы Алматы облыстық филиалы төрағасының бірінші орынбасары Ғалиасқар Төлендіұлы ұстаздардың қоғамдық жұмыстағы белсендігін жоғары бағаласа, кәсіподақтар орталығының төрағасы Әсет Серікқалиұлы мұғалімдерді мерекемен құттықтап, ізгі тілегін білдірді.

Салтанатты қабылдауға қатысқан бірқатар мекеме басшылары ҚР Кәсіподақтар Федерациясы, Қазақстандық салалық білім және ғылым қызметкерлері кәсіподағы, Алматы облысы әкімі, облыстық білім басқармасы және кәсіподақ ұйымының төсбелгілері, Құрмет грамоталары мен бағалы сыйлықтары табыс етті.

Ардагер ұстаздар мен бастауыш кәсіподақ ұйымының төрағалары әріптестеріне арналған тілектерін айтып, жеңістіктерімен бөлісті.

Шарада Сүйінбай атындағы Алматы облыстық филармонияның әншілері өнер көрсетіп, ұстаздаға жақсы көңіл-күй сыйлады.

 

 

 

Автор:
Алматы облыстық білім және ғылым қызметкерлері кәсіподақ ұйымының баспасөз қызметі.