23 декабря 2011, 07:52 | 3 170 просмотров
Мақсаты: Балалардың туған елге деген сүйіспеншілік сезімдерін арттырып, ой-өрісін, санасын ояту, кіндік кескен
жерін,мемлекеттік рәміздерді құрметтеуге,сүюге тәрбиелеу.
Көрнекілігі: Тәуелсіздікке газет,суреттер, Қ.Р.Рәміздері, шарлар.
Тәрбиеші: Тәуелсіз күн-мемлекетіміз үшін, халқымыз үшін зор маңызды мейрам. 1986-жылы Алматыда Қазақстан өз еркіндігін алсын деп талай жастарымыз алаңға шығып,өз елі үшін жандарын қиды. Міне тәуел-сіздігімізге 20-жыл да болды.
«Лаула желтоқсанның алауы». Үнтаспаны тыңдау.
Желтоқсан құрбандары: Қайрат Рыс-құлбеков,Сабира Мұхамеджанова, Ербол Спатаев, Ләззат Асанова сияқты құрбандарымызды, орнымыздан тұрып еске алайық.
Қазақстан Республикасының Гимні орындалады.
Тәрбиеші: Жаңарған берекелі еліміз бар,
Даласы гүлге толы жеріміз бар.
Кең өлкем,байлығы мен ынтымақты
Шалқыған айдын шалқар көліміз бар.
-Бұл қай ел балалар?
-Қазақстан - біздің ел.
-Сендердің туған жерлерің қай жер екен?
-Туған жеріміз,Отанымыз - Қазақстан.
-Қазақстанның президенті кім балалар?
-Нұрсұлтан Назарбаев
Тәрбиеші: -Мемлекеттік рәміздеріміз нешеу?
-Үшеу
-Қандай?
-Гимн,Ту, Елтанба
Маған рәміздер туралы кім тақпақ айтып береді?
Ақжол: Рәміздерім-елдігімнің белгісі,
Білу керек бала –дағы ең кіші.
Рәміздерім-Гимн,Ту,Елтаңба,
Рәміздерді жатқа білген жөн кісі.
-Тудың пішіні қандай?
-Тік төртбұрыш
-Тудың түсі қандай?
-көгілдір түсті ашық аспанның,тыныштықтың белгісін білдіреді.
-Тудың ортасында не бар?
- Алтын күн баршаға ортақ нұр сәулесін төгіп тұр.
-Күннің астында не бар?
-Қыран құс – ерліктің белгісі.
-Ою-өрнек адамды залым күштерден сақтап қорғайды.
Тәрбиеші: Туға байланысты тақпақ кім айтып береді?
Ә,Елдана: Қазақстан –туған өлкем,
Жер көп пе сендей көркем.
Көрсін деп күллі әлемге,
Көк туымды желбіретем.
Елтаңбаның пішіні қандай?
-Дөңгелек
- Ортасында не бар?
-Шаңырақ
-Шаңырақты айнала күн сәулесіндей не тарап тұр?
-Уықтар шаншылған.
- Екі жағында не орналасқан?
-Қанатты тұлпар
- Бұл қазақтың аңыз ертегісінен алынған екі жағында орналасуы елді қорғауды білдіреді.
- Ал басқа не көріп тұрсыңдар?
-Бидай сабақтары
- Өте дұрыс бидай сабақтары тоқшылықты,молшылықты білдіреді.
-Елтаңбаның тағы да бір бөлігі бар,ол не?
-Бес жұлдыз.
Жұлдыз күн мен ай сияқты қазақтарда киелі деп есептеледі.
- Елтаңбаның төменгі жағында қандай жазу бар?
- «Қазақстан»деген жазу бар.
Тәрбиеші: Ал,Елтаңбаға байланысты кім тақпақпағын айтады?
А.Елдана: Қатар шапқан қос тұлпар,
Ай астында қазақ үй.
Қалықтаған жас сұңқар,
Шарықтаған таза күй.
Бұл Елтаңбасы елімнің,
Елдігімнің белгісі.
Тәрбиеші: Біздің туған жеріміз,отанымыз қай жер екен?
-Қазақстан
Досжан: Отанды біз атамекен,
Деп аялап атаймыз,
Өйткені оны мекен еткен,
Бабамыз бен атамыз.
Тәрбиеші : балалар біз қай тілде сөйлейміз?
-Қазақ тілінде
Біздің топтың балалары қай тілде сөйлейді?
-Қазақ тілінде
Олай болса басқа ұлттың балалары қазақша тақпақ айтып берсін?
Женя: Отан деген-атамекен,
Отан деген-туған жер.
Отан-ана,
Отан-үлкен
Қазақстан-туған ел!
Мақал-мәтел.Самат: Туған жердей жер болмас,
Туған елдей жер болмас.
Дима: Халықтың ортақ, үйі Отан.
Темур: Жері байдың-елі бай.
Тәрбиеші: Біздің бас қаламыз қай қала ?
-Астана
Мынау не балалар?
-Ақ орда
Қаламыздың басты символы не екен?
-Бәйтерек
Жоғарғы жағында не бар?
-Шыныдан жасалған алтын шар бар
Астана-тыныш және қонақжай қала.Жыл сайын
Астанаға көп қонақтар келеді.
Астанаға барғандарың бар ма
- Не көрдіңдер?
Тәрбиеші: Маған енді Астана туралы кім тақпақ айтып береді?
Бекжан: Шырқап көкке аспан-ән,
Болашаққа бас қадам.
Қазақ рухын биіктет,
Ей, бас қалам- Астанам!