21 декабря 2012, 15:24 | 3 196 просмотров
Мақсаты: Өз болмысын және басқа адамдарды тану қабілетін дамыту. Дұрыс қарым-қатынас жасай алуды үйрету. Эмоциялық мазасыздық пен күйзелістерден арылу.
Қажетті құралдар: магнитафон, А4 қағаз беттері , доп.
Жүргізілетін сыныптар: 3-4- сынып
Жүргізілуі:
- Сәлеметсіздер ме, балалар! Сендерді аман-есен осындай жарқын жүзді, әдемі қалыптарыңда көргеніме қуаныштымын.
Сабақты бастаймыз.
- Бәріміз ортаға шығып шаттық шеңберін құрайық. /оқушылар бір-біріне жақсы тілектер айтады/
Сұраққа жауап алу.
Қандай сезімдер көңіл күйге жағымда әсер етеді?
Үйде ата-анаң еркелетіп сендерді қалай атаушы еді?
Жаттығулар:
1) Күлу.
а/Қатар отырған балалар бір-біріне қарап , шын көңілдеріңізбен жадырап күлу.
б/ Алақанымызды ысқылайық/1-2-мин./(Дәмді тамақ ішкенде , өте сәтті күннен кейінгі әдемі көңіл күйді есіңе түсір)
2) Шам сөндіру. Терең дем алып, енді барынша шам сөндіргендей үрлеп демімізді шығарамыз. /5-6 рет/
3) Көңіл-күй аукционы .
Менде бір керемет сиқырлы сандықша бар. Оның ішінде бір көңіл-күй бар. Соны кім тапса сол алады. Оқушылар : қуаныш, таң қалу, ашу, ыза , аяныш т.с.с. айта бастайды. Ең соңғы « эмоцияны » тапқан оқушы алады. /3-4 минут/
4) Сиқырлы дүкен.
Қандай көңіл- күй алғың келсе соны аласың. Допты сатып алушыға беремін, ол көңіл-күймен кері қайтарады.Көңіл-күй бет-бейне ,қимыл қозғалыс, дауыс ырғағымен көрсетілуі тиіс./4-5 минут/
5) Көңіл-күйді тап.
6) Мен сөз айтамын, сендер қандай көңіл –күйді білдіретінін айтасыңдар. Мысалы: « алақай»-қуанышты білдіреді. «ой-бой»- өкініш, қайғыны білдіреді. т.с.с.
7) Сахналау. / адамның көңіл күйі, түрлі сезімдері іс жүзінде қалай көрініс беретіндігін ,оның өзге адамдарға қалай әсер ететінін көрсету/
-Сыйлаған гүл шоғын қабылдау кезіндегі қуаныш;
-Достарыңмен қоштасу кезіндегі мұң.
-Жақын адамыңмен кездесу кезіндегі шаттық;
-Өз досыңның жеңісіне мақтаныш;
-Өзіңнің жіберіп алған қателігіңе реніш
/ осы сәттерді сахналау/
8) Рефлексия.
Сабақта не ұнады, өмірде пайдалануға бола ма?