Маған жақсы мұғалім бәрінен де артық, өйткені мұғалім мектептің жүрегі!
Республикалық апталық газеті

ҮЙ ЖАНУАРЛАРЫ


1 февраля 2013, 16:36 | 3 339 просмотров


Білім көзі: Тіл дамыту.

Мақсаты: Білімділік:

Балаларды үй жануарлары. Үй жануарларының түрлерін, төлдерін ажыратуға үйрету.

Дамытушылық:

Үй жануарлары туралы тақпақтар,жұмбақтар арқылы танымын кеңейту тілдерін дамыту.

Тәрбиелік:

Жануарлар дүниесіне деген жылы сезімін ояту оларды қорғау қамқорлық жасауға тәрбиелеу.

Қолданатын құрал-жабдықтар: Үй жануарлары, төлдері суреттері.

Ұйымдастыру кезеңі:

Тәрбиеші: -Сәлеметсіңдер ме, балалар!

Балалар: -Сәлеметсіз бе.

Тәрбиеші: - Балалар көңіл-күйлерің қалай?

Балалар: - Жақсы.

Тәрбиеші: - Кәнеки, балалар, арайлап атқан күнмен амандасайық.

- Үй жануарлары деп үйде ұстайтын жануарларды айтамыз.Үй жануарларына: қой, ешкі, сиыр, жылқы, түйе жатады.

- Балалар үй жануарларына нелер жатады?

- Ешкі, қой, түйе, сиыр, жылқы.

- Дұрыс айтасыңдар.

-Кәнеки, балалар, мына суретте нелерді көріп тұрсыңдар?

-Қой, ешкі, сиыр, жылқы, түйе.

Ал, мына суреттерде нелерді көріп тұрсыңдар?

Лақ, бұзау, бота, құлын, қозы.

-Балалар, осы жануарлады жеке-жеке атап, олардың төлдерін енесінің қасына апарып іліп қояйық. Ал, балалар, мынау ненің суреті?

- Қой.

-Қойдың төлін қалай атаймыз?

- Қозы.

-Олай болса қозыны енсінің қасына іліп қояйық.

- Балалар менімен бірге өлең жолдарын қайталаңдар.

Майса жұлып берейін,

Маңырама, қошақан.

- Ал, мында нені көріп тұрсыңдар?

- Ешкі.

-Ешкінің төлін қалай атаймыз?

- Лақ.

- Не көрсең жеп бәріне,

Жармасатын ешкімсің.

Ал, мына суретте нені көріп тұрсыңдар?

- Сиыр.

Сиырдың төлін қалай атаймыз?

- Бұзау.

- Сүтке қарның тойынса-ақ,

- Ойнақтайсың ойын сап.

-Ал, мына суретте нені көріп тұрсыңдар? - Түйе.

-Түйенің төлін қалай атаймыз?

-Бота.

- Қара көзің мөлдіреп,

- Қызықтырмай қоймайды.

- Ал, мында не көріп тұрсыңдар?

-Жылқы.

- Жылқының төлін қалай атаймыз?

- Құлыншақ.

- Дұрыс айтасыңдар.

- Олай болса құлыншақты енесінің қасына апарып іліп қояйық.

- апарып іліп қояды.

Құлыншағым-құндызым,

Құлдырайды, шабады.

Жылқының пайдасы өте көп. Өйткені, шөлдесек сусын. Жылқының сүті саумал деп аталады. Саумалды күбіге салып ашытсақ, қымыз болады. Жесек ет, мінсек көлік, сатсақ ақша болады.

Кәнеки, балалар қойдың қандай пайдасы бар?

Кисек тон, жүні көрпе, жесек ет, сатсақ ақша.

Ал, сиырдың қандай пайдасы бар? Аналарымыз не жасайды?

Сүтінен қатық, қаймақ, ірімшік, құрт, сүзбе, жесек ет.

Сергіту сәті: Ормандағы аюдың,

Құлпынайы көп екен.

Теріп-теріп алайық,

Қалтамызға салайық.

-Кәнеки, балалар, мен сендерге жұмбақ жасырайын.

Жұмбақ.

Кезекті бір жануар,

Үстінде екі тауы бар.

-Түйе.

- Жем-шөптен бір тартынбайды,

-Сабасы да сарқылмайды.

-Сиыр.

-Басында екі таяғы бар,

-Иегінде сақалы бар.

- Ешкі.

Ойын:

Бұл ойын үй жануарларының жүріс-тұрысын, дауысын дұрыс сипаттап, тілімізде дұрыс айтуға дағдыландыратын аса қызықты ойын.Ойынды ұлдар бастайды.

Ұқыпты ұтар,

Іздеген табар.

Оқыған озар,

Еріншек тозар.

- Кім қалай дауыстай біледі?

-Кәнеки, балалар, малды қалай шақыруды салайық!

Биені-құраулап,

Түйені-көс-көстеп,

Сиырды-аухаулап,

Ешкіні-шөрелеп

Шақыра аламыз,

Сауамыз, бағамыз.

Тиым сөздер.

Малды аяқпен теппейді,

Балағаттап боқтамайды.

Жатқан малдың үстінен аттама.

Малға «кет» деп дауыс көтермейді.

Автор:
Жадыра УТЕМИСОВА Жаңалық негізгі орта мектебі "мектепке дейінгі шағын орталығымен мемлекеттік мекемесі тәрбиешісі"