22 февраля 2013, 17:52 | 2 266 просмотров
Сабақтың тақырыбы: «Отбасым-мақтанышым тірегім»
Мақсаты:
1.Отбасы мүшелері туралы түсінік беру
2.Ата – ананы құрметтеп сыйлауға,бауырмал,қамқор болуға тәрбиелеу.
3.Сөздік қорын байыту,сөйлеу тілін жетілдіру.
Сабақтың әдісі:Көрнекілік,сұрақ – жауап, түсіндіру, әңгімелеу әдісі.
Сабақтың көрнекілігі:Сурет, нақыл сөздер, шарлар, гүлдер, жүрекше, сандықша, ақбота, бейнетаспа.
Сабақтың барысы:
І.Ұйымдастыру кезеңі:-Бізде қай сабақ? (өзін-өзі тану)
1.Сәлемдесу: Білер қазақ баласы
Сәлем сөздің анасы
Алдымыздан кезіккен
Көп танысты көреміз
Бәрінен де ізетпен
Біздер сәлем береміз.
Хош келіпсіздер, қонақтар.
Шаттық шеңбері: Балалар мұғаліммен бірге шеңбер құрып тұрады. Қолдарындағы жүрекшені бір-біріне ұсына отырып тілек айтады. «Қуанайын мен де».
Мұғалім: «Өзін – өзі тану елінен» келген Махаббат пен Ақботамен таныстырып, олардың балаларға сандықша ішіне салған тапсырмасы бар екенін хабарлайды.
1-тапсырма.Отбасы туралы кім өлең оқығысы келеді?
2-тапсырма.Слайдты тамашалау, отбасы мүшелерін ата, суретке қарап әңгіме құра.Өлеңдер оқы.
Сұрақтар:
1.Балалар суреттен кімдерді көріп тұрсыңдар? /Отбасы мүшелерін/
2.Отбасы мүшелеріне кімдер жатады екен?
/ата,әже,әке,шеше,әпке,аға,іні,қарындас,сіңлі/
-Отбасы туралы өлендер айтып көрейік:
1-оқушы:Атамнан басталар
Әжеммен қосталар
Отбасым мыналар,
Ең жақын адамдар.
2-оқушы:Бабамнан басталар,
Өз жұртым мыналар
Ең жақын адамдар,
Әкем мен анам бар.
3-оқушы:Әкем мен анам бар
Бір туған ағам бар
Бәрін жақсы көремін
Еркелеймін еремін.
3-тапсырма:Алма ағашының бөліктерін тап.Сөздер жапсыру.Тақтадағы «алма ағашының»суретін көрсету.Неше бөліктен тұратынын айтқызу/тамыры,діңі,бұтақтары,жемісі/
Өлең оқу:
Тамыры-ата,әже,
Діңі-әке,шеше
Жемісі-немере,шөбере,шөпшек,туажат,немене.
4-оқушы:Әкемнің әкесі
Ақ басты атам бар
Әкемнің шешесі
Ақ шашты әжем бар.
5-оқушы:Әкеге мен бала
Атаға немере
Немере баласы
Болады шөбері.
6-оқушы:Шөбере баласы
Шөпшек деп аталар
Шөпшектің баласы
Немене саналар
Осы ұрпақ жалғасы
Жеті ата саналар.
Сергіту сәті: «Біз үйде нешеуміз?»
4-тапсырма:-Отбасы туралы қандай әңгіме,ертегі білесіңдер?Сахналап көрсет.
«Еңбекпен тапқан тиын»әңгімесін сахналап көрсету/әке,шеше,бала/
Сергіту сәті: «Мұның аты еңбек»
5-тапсырма:-Ата-ана туралы мақал-мәтел айту.
Әке-асқар тау
Ана-бұлақ.
Бала-жағасындағы құрақ.
Анаң-асыл қазының.
Әкең-асқар тауың.
Анадан-қасиет.
Әкеден-өсиет.
Әке көрген оқ жанар,
Шеше көрген тон пішер.
Әке балаға қарыз,
Бала далаға қарыз.
Отан отбасынан басталады.
Бәрі бірге:Құрметтеп ата-анамды
Ардақтап әпке ағамды
Қамқор боп сіңлі-ініме
Сыйлаймын үлкен кішіге
Бәрін де жақсы көремін
Үнемі көмек беремін
Үлкенді сыйлау кішілік
Үлгілі мінез кісімін.
7-тапсырма:Қазақ үйдің макетіне отбасындағы қарым-қатынас туралы айту.
Үйренгенім: құрметтеу, қамқор болу,сыйлау,еңбекқор болу,ынтымақты болу,өтірік айтпау,көмектесу, тәрбиелі,әдепті,мейірімді болу.
Қорытындылау:
Бұтағы-бабасының
Ұрпағы-атасның,
Шуағы-әжесінің
Тұяғы-әкесінің,
Тілегі-анасының
Тірегі-ағасының,
Түлегі-даласының.
«Әрқашан күн сөнбесін»
Машинаның рөлін ұстап балалар!
Жолың болсың – дейді атам
Апам шықса сопарға
Жолың болсын – дейді апам
Апам шықса сапарға
Жолың болсың дейді олар
Балаларды мадақтау,жұлдызша беру,сыйлықты үлестіру.