11 февраля 2010, 22:15 | 4 300 просмотров
Сабақтың мақсаты :
1. М .Мақатаевтың өмірі мен шығармашылығы туралы деректер келтіріп, ақынның өлеңдерін нақышына келтіріп жатқа оқыту. Қазақ тіліне тән дыбыстарды қатесіз айтуға үйрету.
2 .Оқушының мәнерлеп оқу қабілетін шыңдау, ой-өрісін дамыту.
3. Өзге ұлт өкілдері балаларының жалпы сынып оқушыларының поэзияға, әнге деген қызығушылығын арттыру.
Сабақтың түрі: Аралас сабақ, мәнерлеп оқу сайыс сабағы.
Әдісі: Түсіндіру, топқа бөлу, сыни тұрғыдан ойлау технологиясының элементтерін қолдану , жатқа айту , мәнерлеп оқу
Сабақтың пән аралық байланысы : ән-күй , тарих , қазақ әдебиеті .
Көрнекілігі : Портрет , буклеттер , суреттер , М . Мақатаевтың өлеңдер жинақтары , топ аттары жазылған қағаз , сызбасы бар плакат , маркер , домбыра , «Қамажай» әуені , «Дариға , домбырамды берші маған» әуені және М. Мақатаевтың сөзіне жазылған әндер .
Сабақтың мақсатымен және тақырыбымен таныстыру .
Сыныпта М . Мақатаевтың сөзіне жазылған әндер әуені ойнап тұр .
Сабақ барысы .
І .Сабаққа дайындық .
1 .Оқушыларды топқа бөлу .(«Дариға- жүрек» -5 «в»сыныбы, «Мен үйсінмін» тобы-5 «г» сыныбы)
2 .Әділ қазылар алқасын сайлау .
ІІ Жаңа тақырып
Ұстаздың алғы сөзі :
М . Мақатаев 1931 жылы Алматы облысы , Нарынқол ауданы ,Қарасаз ауылында туған . Ол республикалық баспасөзде және радиода жұмыс істеген . Мұқағали өлеңді он-он бір жасынан бастап жаза бастаған .
«Өлсе өлер Мұқағали Мақатаев ,
Өлтіре алмас , алайда өлеңді ешкім» ,- деп ақынның өзі айтқандай, оның өлеңі арқылы Мұқағалиға поэзия төрінен орын беруге болады. Өзі өлсе де, өлең жырлары келешек ұрпаққа қалды .
Ендеше , құрметті қонақтар , біздің мектебіміздің оқушылары Мұқағали ағамыздың құрметіне арнап жаттаған , мәнерлеп оқыған , өлең жырлары бар екен .
ІІІ Қызығушылықты арттыру .
Мұғалім :
- Бүгінгі мерекеге 2 топ қандай өлең жырларын әкелді екен ?
Тақтаға кезектесіп шығып ,жаттаған өлең-тақпақтармен тақтадағы сызбаны толықтырып жіберейік. Оқушылар өздері жаттаған өлең- жырларымен сызбаны толтырады .
І V Ән .
1-жүргізуші :
Енді кезекті әнге берейік ! Домбыраның сүйемелдеуімен «Дариға , домбырамды берші маған» . Сөзі : М . Мақатаевтікі . Орындайтын – 5 «г» сынып оқушылары .
V Екі топтың «Жатқа айту» жарысы .
2-жүргізуші :
1 - номинация . Мұқағали ағамыздың «Дариға , домбырамды берші маған» өлеңін біз барлығымыз жатқа білеміз .Енді 2 топтың осы өлеңді қалай жаттағандарын тамашалайсыздар .
1 ) «Дариға – жүрек» тобы өз өнерлерін ортаға салады
2) «Мен үйсінмін» тобы өз өнерлерін ортаға салады .
VІ Екі топтың «Мәнерлеп оқу»жарысы .
1 - жүргізуші :
Біз білетін Мұқағали ағамыздың өлеңдері өте көп .
Мәнерлеп оқылатын өлеңдер :
1 . «Мен үйсінмін»
2 . «Күз секілді»
3 . «Сағындым»
4 . «Жанар тауым»
5 . «Өмір сүрейік»
6 . «Жаңбырда»
7 . «Дариға , домбырамды берші маған»
2 – жүргізуші :
2 - номинация . Ақынның өлеңдерін мәнерлеп оқуға әр топтан 7 оқушыдан шығады .
Сайыскерлерімізді қол соғып қошеметтеп қояйық !
VІІ Би .
1 – жүргізуші :
Әділ қазылар алқасы сайыскерлеріміздің еңбегін бағалағанша кезекті биге берейік !
5 . Би «Қамажай» . Орындайтын «Мен үйсінмін» тобы.
VІІІ Қорытынды , бағалау .
1 .Мұғалімнің сөзі :
Тірлігінде шекпен кимей , шен алмай ,
Еңбегінің қызығын да көре алмай .
От боп жанып өтіп кеткен ақынға
Мәңгілік қып өмір берген өлеңді-ай – деп , біздің жерлесіміз Айтақын ақын жырлағандай , ғажайып жырларымен еліне қуаныш сыйлаған ақиық ақын М . Мақатаевтың рухына арналған сайыс сабағымызды аяқтай келе сөзді әділ қазылар алқасына береміз .
2 . Жеңімпаздарды бағалау .
ІX Сабақтың соңы .
Көңіл қойып қатысқан оқушылар мен мұғалімдерге рахмет айтамыз !