13 июня 2014, 06:01 | 2 416 просмотров
Асыл әкем,алтыным ,сағындым мен
Әр сөзің нәр береді ғибрат еткен ,
Асықпай ,сабырменен сен жеткізген
Ақылыңды ұстанамын әлі де мен
Жүрек сыздар ,молаңа жақындасам,
Жалғыз қалып ,өзіммен ақылдасам .
Сағындым ,әке ,дана сөздеріңді
Күлімдеп қарап тұрар көздеріңді ,
Ақылыңды ұстанамын ,асыл әке !
Білгенім мына өмір алдамшы екен ,
«Жақсылық жасай берші елге » ,-деп ең
Қиналсам ,әке ,енді не істер екем ?
«Сабырлы , шыдамды бол!»-деген едің,
Ақылыңа мен, әке көнемін де
Көрсеткен шындық жолмен жүремін де.
Бірақ ,әке бұл өмірдің сынағы көп ,
Кенжеңнің саған қояр сұрағы көп ,
Сүріндім де ,құладым ,қателестім
Өмір жолдың соншама бұраңы көп...
Мен мүмкін құламас ем ,сүрінбес ем
Қиындыққа ,сірә ,әке күрсінбес ем ,
Әкешім ,сен қасымда болсаң егер ,
Көзден аққан жасқа да өкінбес ем ...
Еркелікті,балалықты, әкетайым, тастадым,
Дұрыс бағыт сен көрсеткендей бастадым
Сағыныштың ақ жастығын жастадым ,
Асыл әке, жамандыққа аяғымды баспадым
Жаратқаным ,саған айтар тілегім бар
Сағыныштан жаралған жүрегім бар
Қабыл етші ,дұғамды ЖАРАТҚАНЫМ,
Емдейсің мендей жанды сенімім бар