ТӘУЕЛСІЗДІК және ИННОВАЦИЯЛЫҚ БІЛІМ

Мемлекет басшысы Нұрсұлтан Назарбаев: «Қазақ тілі бүгінде ғылым мен білімнің, интернеттің тіліне айналды. Еліміздің ана тілінде білім алатындардың саны жыл сайын көбейіп келеді.

 Бүгінгі мақсат – әрбір оқушыларға түбегейлі білім мен мәдениеттің негіздерін беру және олардың жан-жақты дамуына қолайлы жағдай жасап, жеке тұлға қалыптастыру. Ол үшін қазіргі білім беру саласындағы оқытудың озық технологияларын терең меңгеру керек» деп атап өткен болатын. Статистикалық дерек көздеріне жүгінсек, 2015-2016 жылғы оқу жылында республика бойынша 3 миллионға жуық оқушылар 7271 мектептен білім берді. Жеті мыңнан астам білім ордалары оқу үдерісінде қолданылатын 275087 компьютерлік техникамен қамтамасыз етілген. Бұл бір компьютерге 10 оқушыдан келетінін айғақтайды. Сондай-ақ еліміздегі білім ошақтарындағы интерактивтік құралдардың жалпы саны 22545 болса, лингафондық және мультимедиалық кабинеттердің реті бес мыңға жақындайды. Ал 7196 мектептің интернетке кіру мүмкіндігі бар. Еліміздің барлық өңірлерінде ғаламтор мәселесі де түбегейлі шешімін тауып келеді. Шалғай елді мекендердің өзінде білім мазмұнын жаңарту, жаңғырту жағдайындағы әдістемелік қызмет, ондағы инновациялық технологиялардың мүмкіндігі хақында түрлі семинар-форумдар өткізіліп, мұғалімдер мен оқушылардың қабілеті шыңдалуда. 

ПЕДАГОГИКАЛЫҚ ОЛИМП

Алматы облыстық әдістемелік кабинеті «Педагогикалық олимп» атты педагогикалық идеялар мен жобалардың облыстық байқауын өткізді. Биыл екінші рет өткізіліп отырған бәйгенің негізгі мақсаты – жаратылыстану-математика пәндерінің мұғалімдері арасында инновациялық қызметті ынталандыру, пән бойынша озық педагогикалық тәжірибелеріне ғылыми-әдістемелік қолдау көрсету және іс-тәжірибелерін насихаттау. 

Байқау барысында пән мұғалімдері қолданыстағы инновациялық технологиялар, әдіс-тәсілдердің ұтымды қолдануы, оның білім сапасын кө­теруге ықпалы туралы әдістемелік жұмыс жүйесі мен нәтижелерінің порт­фо­лио­сын қорғап, презентациялық алаңда өз еңбектерін және педагогика са­ласындағы тың идеяларын ор­таға салып, тәжірибе бөлісті. Жа­рысқа І.Жансүгіров атын­дағы Жетісу мемлекеттік уни­верситетінің ғылыми қыз­мет­керлері мен Дарынды ба­лаларға арналған үш тілде оқытатын мамандандырыл­ған лицей педагогтері қазы­лық етті. Сондай-ақ, Талдықорған қаласында «Мектеп бі­тіру­шілерді жаратылыстану пән­дерінен қорытынды аттес­тация­лауға дайындау әдістемесі» тақырыбына облыстық оnline семинар өткізілді. Алматы облыс­тық әдістемелік кабинеті ұйымдас­тыр­ғ­ан іс-шараның мақсаты – облыстық білім берудегі ақпараттық технологиялар орталығы базасында география, биология және химия пәндерінен мектеп бітірушілерін қорытынды аттестациялауға дайындаудың тиімді жолдарын ұсыну. Семинар барысында облыстың үздік мұғалімдері оқу­шылардың қорытынды аттестациялауға дайындаудың әдіс­терін көрсетті.  Бұған қоса, облыста физика пәні сабағында ин­новациялық әдіс-тәсілдерді қолданудың тиімді жол­дарын насихаттау мақсатында Алматы облыстық әдіс­темелік кабинеті 21 қазанда Алматы облысы Талғар ау­даны №23 орта мектебінің базасында «Физика пәнін оқы­туда инновациялық технологиялардың тиімділігі» та­қырыбында аймақтық семинар өткізді. Семинар бары­сында Талғар, Іле, Қарасай, Жамбыл, Еңбекшіқазақ ау­дан­дарының ұстаздары өз тәжірибелерімен бөлісіп, ашық сабақтар, презентациялар, шеберлік сыныптарын көр­сетіп, тәжірибе алмасты. Семинар соңында ұсы­ныстар қабылданып, жұмыс нәтижесі туралы пікірлер тың­далды. Аталған шараға елуден астам мұғалім қа­тысты.

Алматы облысы бойынша былтыр мемлекеттік білім беру мекемелерінің материалдық-техникалық базасын нығайтуға 881,4 млн теңге бөлінді, оның ішінде білім ордаларына компьютерлік техника сатып алуға 293,1 млн теңге жұмсалған. Облыста 1012 жаңа модификациялық кабинет, 238 – физика, 203 – химия, 246 – биология және 325 лингафондық кабинеттер бар. 2014-2015 оқу жылында 34 облыстық интерактивті сабақтар өткізілген. Ресми дерек көздеріне сүйенсек, аталған облыс бойынша барлығы 737 мектеп бар, оның түгелі компьютермен қамтамасыз етілген. 646 ауыл мектебіне де компьютерлік техника толық жеткенін көрсетеді. Десек те, жеті мыңнан астам озық техника ескі, ауыстыруды қажет етеді. 596 білім ошағы кең жолақты интернет желісіне қосылған, оның 505-і ауыл мектептері. Сөйтіп, 2015 жылғы мәліметке сәйкес, 1 компьютерді 11 оқушы қолданады.  «E-learning» электрондық оқыту жүйесін білім саласына енгізудегі басты мақсат – білім беру үрдісінің барлық қатысушыларын үздік білім ресурстары мен технологияларына тең қол жеткізуін қамтамасыз ету екендігі мәлім. Осы облыстың 140 білім беру ұйымы электрондық оқыту жүйесіне қосылып, жүйелі түрде жұмыс жасап келеді. 

ИДЕЯЛАР ФЕСТИВАЛІ

«Педагогикалық идеялар фестивалі» атты облыстық байқау биыл екінші рет ұйымдастырылып отыр. Алматы облыстық әдістемелік кабинетінің бастамасымен Талдықорған қаласындағы №17 орта мектеп базасында өткен фестивальдің басты мақсаты – мұғалімнің беделін арттыру.

Бас-аяғы 15 ауданнан ең үздік деп танылған ұстаздар байқауға қатысып, шығармашылық жоспарлары мен пе­дагогика саласындағы тың идеяларын ортаға салды. Көксу ауданы Қ.Жалайыри атындағы орта мектеп-гимназиясының география пәні мұғалімі байқау жеңім­пазы атанып, келесі кезекте фестивальдің республикалық кезеңінде облыс атынан өз жұмысын ұсынатын болады. Жүлделі екінші орын­­дарды Ескелді ауда­нына қарасты Н.Ал­да­бергенов атын­дағы орта мектептің орыс тілі мен әдебиеті пә­ні мұғалімі Ан­желика Варфо­ло­меева және Жам­был ауда­нын­дағы да­рын­ды бала­лар­ға арналған №2 Қарғалы гимназия­сы­ның математика пәні мұғалімі Ша­ра Мұсағұлова ие­ленді. Еңбекшіқазақ ауданы А.Байтұрсынов атындағы орта мектебінің математика пәні мұғалімі Кәмшат Қиятова мен Жамбыл ауданы Ә.Бейсеуов атындағы орта мек­те­бі­нің химия және биология пәні мұғалімі Айсұлу Есе­наманова үшінші орынды қанағат тұтты. Сонымен қатар Панфилов ауданы В.Луначарский атын­дағы орта мектеп-гимназиясының қазақ тілі мен әде­биетінің мұғалімі Маржан Бердіғұлова «Шебер ұстаз», Ұйғыр ауданы Тиірмен орта мектебінің қазақ тілі мен әдебиеті пәні мұғалімі Лаура Семеева «Зерттеуші ұстаз» аталымын иеленсе, «Тәлімгер ұстаз» номинациясын Те­келі қаласы №6 орта мектебінің бастауыш сынып мұ­ғалімі Светлана Матвеева жеңіп алды. Ал Талғар ауданы №31 орта мектебінің математика пәні мұғалімі Бәтігүл Сақа­баева «Ізденуші ұстаз» атанды.  Сондай-ақ Білім басқармасының қолдауымен қазан айында «Өрлеу» біліктілікті арттыру ұлттық орталығы «Бі­лім мазмұнын жаңарту жағдайындағы әдістемелік қыз­мет: бүгіні және болашағы» тақырыбында респуб­ликалық семинар ұйымдастырды.  Жиында орта білім беру мазмұнын жаңарту шарттары бойынша әдістемелік қызмет көрсету жұмыстарының өзекті мәселелері талқыланды. Аталмыш шараға облыс­тық, аудандық және қалалық әдістемелік кабинеттері, техникалық  және кәсіптік білім беру ұйымдарының және мектепке дейінгі білім беру мекемелерінің әдіскерлері, «Өрлеу» біліктілік арттыру институтының қызметкерлері, жоғары оқу орындарының әдістемелік жұмысы өкілдері қатысты.  Пленарлық мәжілісте облыстық әдістемелік кабинет әдіс­кері Г.Иманхатова «Білім берудегі инновациялық үдерістерді белсендірудің әдістемелік жолдары» тақы­ры­бында баяндама оқып, тәжірибесімен бөлісті. Семинар барысында «Іскер әдіскер», «Үздік әдістемелік кабинет» және «Инновациялық идеялар (тәжірибелер) орталығы» номинациялары бойынша әдістемелік қызмет жұмыстары ұсынылып, үздіктері анықталды.