Маған жақсы мұғалім бәрінен де артық, өйткені мұғалім мектептің жүрегі!
Республикалық апталық газеті

Біз іздеп жүрген күйеу бала осы екен...


13 июня 2017, 04:07 | 3 095 просмотров



Ертеде бір қаланың пәк әрі әділ қазысы жалғыз қызын иманды жігітке тұрмысқа бермек болады. Қызын талай байлар айттырады, бірақ олар қазының көңілінен шыға қоймайды. Бір күні қазы дем алу үшін бау-бақшасына барып жайғасады. Бақша күтушісіне жүзім әкелуін өтінеді. Ол бір шоқ жүзімді жуып, қазыға ұсынады. Қазы жүзімді ауызына сала бере, артынан іле-шала жерге түкіріп тастайды да: - Неге жүзімнің тәттісін алып келмегенсің? - деп сұрайды.Сонда бағбан: - Қайсы жүзімді әкел десеңіз, соны әкелейін, ал олардың қайсысы тәтті екенін білмеймін, - дейді жігіт. Қазы таңғалып: - Екі жылдан бері жүзімдерді өсіріп, баптап келесің. Оның дәмін әлі күнге ажырата алмай жүрмісің? - Сіз мені жұмысқа аларда жүзімдерді күтесің деген едіңіз. Ал дәмін татып тұр деп айтқан жоқсыз. Сондықтан осы уақытқа дейін бір жүзімді де ауызыма салып көрген емеспін, - депті бағбан. Таңғалған қазы әйелімен ақылдасып: - Біз іздеп жүрген күйеу бала алыста емес, дәл біздің шаңырағымыздың астында екен. Қызымызды осы жігітке берейік - деп, қыздарын адал бағбанға тұрмысқа береді.

Дереккөз: mazhab.kz

Автор:
bakittiotbasi.kz