Қазақстанда онлайн оқытудың танымалдылығы артып келеді. 2025 жылдың басынан бері 9,3 мың қазақстандық Skills Enbek кәсіптік оқыту платформасында (бұдан әрі – Платформа) курстарды сәтті аяқтап, сертификат алды. Олардың 7,6 мыңы жұмыссыз азаматтар, негізінен Ақтөбе, Батыс Қазақстан, Жамбыл облыстары және Шымкент қаласынан.
Жалпы, Платформа іске қосылғаннан бері 420,2 мың адам оқудан өтті, ал 2025 жылы жаңадан тіркелгендер саны 14,7 мың адамға жетті. Қазіргі уақытта жүйеде 513,4 мың қолданушы тіркелген.
Ең танымал курстар
Қаңтар айында ең көп сұранысқа ие болған мамандықтар:
✔ Кассир
✔ Қонақ үйдегі сату бөлімі жұмысының негіздері
✔ Сақтандыру агенті
✔ Пішу және тігу
✔ Сатушы
Skills Enbek платформасында маркетинг, БАҚ, туризм, қаржы, бухгалтерлік есеп және басқа да салалар бойынша тегін курстардың саны үнемі артып келеді.
Оқытудың ерекшеліктері мен артықшылықтары
Платформа заманауи маркетплейс қағидаты бойынша құрылған және Courstore, Fluent Education, Яндекс Қазақстан сияқты серіктестердің курстарына қол жеткізуге мүмкіндік береді.
Курстардың ұзақтығы: 1 сағаттан 72 сағатқа дейін.
Тегін курстар: 307 курс қолжетімді.
Оқу форматы: Текст, презентация, бейне, аудио материалдар, инфографика.
Сертификат алу: Курсты сәтті аяқтаған соң, 70% шекті деңгеймен тестілеуден өту қажет.
Курсты аяқтаған қолданушылар үшін Enbek.kz порталындағы бос жұмыс орындарының ұсыныстары автоматты түрде қосылады. Сонымен қатар, сертификат түйіндемеге енгізіліп, жұмыс берушілерге көрінеді, бұл жұмыс табу мүмкіндігін арттырады.
Платформаның мүмкіндіктері
Қолданушылар үшін:
- Жеке оқу қарқынын таңдау
- Өзіндік ілгерілеуді бақылау
- Түсінікті құрылым және ыңғайлы интерфейс
- Курс авторларымен жылдам байланысу
Курс авторлары үшін:
- Тегін курс орналастыру мүмкіндігі
- Статистика және курстың тиімділігін бақылау
- Онлайн калькулятор арқылы оқыту құнын алдын ала есептеу
- Сертификаттардың әртүрлі дизайны
Платформа ерекше қажеттіліктері бар адамдар үшін де қолжетімді, яғни интерфейс мүмкіндігі шектеулі қолданушыларға бейімделген.
Skills Enbek мобильді қосымшасы
2023 жылдың желтоқсанынан бастап Платформадағы курстарды Enbek мобильді қосымшасы арқылы оқуға болады.
Қосымшаны Google Play және App Store платформаларынан жүктеп алуға мүмкіндік бар.
Skills Enbek-ке қалай тіркелуге болады?
Сілтеме арқылы: skills.enbek.kz
Электрондық еңбек биржасында: enbek.kz сайтындағы «Онлайн оқыту» бөлімінен.
Көмек қажет болса, байланыс телефоны: 8 (7172) 95 43 17 (ішкі. 877, 878, 888).
Білім – табысты мансаптың кепілі
Skills Enbek – әр азаматтың кәсіби біліктілігін арттырып, жаңа жұмыс табуға көмектесетін заманауи онлайн оқыту платформасы. Қазақстандықтар үшін бұл қолжетімді, ыңғайлы және тиімді білім алу мүмкіндігі.
Жұмысқа орналасу немесе мансаптық өсуді жоспарлайтын әрбір адам үшін «өмір бойы оқыту» қағидасын ұстану маңызды. Skills Enbek – бұл дағдыларды дамытуға және жаңа мүмкіндіктер ашуға арналған сенімді алаң.
