Талдықорған қаласынағы Назарбаев Зияткерлік мектеп қабырғасында дәстүрлі түлектер форумы өтті, оның басты мақсаты — кәсіби бағдар беру болып табылады.
Түлектер мен оқушылар арасындағы бірегей диалог алаңын Alumni NIS қауымдастығы бастады.
«Армандар жұмыс істемейді сіз жұмыс істемегенше» , — дейді 2016 жылдың түлегі Кристина Унгер. Ол Назарбаев Университетін және тағы төрт еуропалық университетті, соның ішінде Дрезден техникалық университетін және Дельфт су Білім беру институтын бітірді. Бүгінгі таңда Кристина Талдықорғандағы GERN.STUDY мектебінің негізін қалаушы.
Кристина өз сөзінде Erasmus Mundus Joint Masters стипендиясы, Еуропадағы білім берудің мүмкіндіктері және студенттердің осы мүмкіндіктерді қалай пайдалана алатыны туралы айтты.
Қазақстан бойынша «Алғабас» брендімен тоғыз спорт секциясын 2022 жылғы түлек Жомарт Жексенбай ашты. Бүгінде оның каратэ және футбол клубтары Атырау, Орал, Түркістан және Қостанай қалаларында белсенді жұмыс істеуде. Биыл ол сурет студияларын ашу арқылы жұмысын кеңейтуді жоспарлап отыр. Бір қызығы, ҚБТУ-дың 3 курс студенті бола тұра, Жомарт қазірдің өзінде қалыптасқан жас кәсіпкер.
2018 жылғы түлек және қазіргі таңда дәрігер-интерн Мирас Рахымжановтың тарихы да әсерлі болды. Ол Асфендияров атындағы ҚазҰМУ- ды бітірген. Самғау Форумында мамандық таңдау және пациенттермен өзара әрекеттесудің маңыздылығы туралы өз ойларымен бөлісті.
— Дәрігерлер жер бетіндегі ең қымбат – адам өмірін қорғайды, — деп ол өз жұмысының маңыздылығын атап өтті.
Alumni NIS қауымдастығының биылғы маңызды жетістіктерінің бірі ауылдық жерлерден келген екі оқушыға грант беру болды. Қауымдастық сонымен қатар Астана мен Алматы қалаларында екі қайырымдылық бал өткізді және IT және авиация саласындағы табысты түлектерге арналған beles жобасын, сондай-ақ мамандық таңдаудың өзекті мәселелерін талқылайтын ayaldama подкастын іске қосты.
Alumni NIS елшісі және 2015 жылғы түлек Ален Ақылбеков қатысушыларды ағымдағы жобалар мен бастамалармен егжей-тегжейлі таныстыра алды. Ол Ayaldama, Beles және Samgau сияқты бағдарламалардың мақсаттары білім беруді дамытуға және студенттерді қолдауға бағытталғанын атап өтті.
— Біз мансаптық перспективаларға назар аударуды жалғастырамыз, әсіресе қиын мансап жолында, Отаннан тыс жерлерде жүргендерге қолдау көрсетеміз, – деп қосты Ален.
Форум интерактивті ойындар мен спорттық жарыстармен аяқталды.