Қазіргі таңда белсенді өмір салтына бет бұрған адамдар саны артып келеді. Соның ішінде көпшіліктің таңдауына айналған тиімді, қарапайым әрі көңілді физикалық белсенділіктің бірі – велосипед тебу.
Бұл тек көлік түрі ғана емес, сонымен қатар денсаулықты жақсартып, табиғатпен байланыс орнатуға көмектесетін тамаша құрал.
Велосипед тебудің басты артықшылықтары:
1. Жүрек-қан тамырын жақсартады
Велосипед тебу жүрек жұмысын жақсартып, қан айналымын реттейді. Бұл инфаркт, инсульт, жоғары қан қысымы сияқты аурулардың алдын алуға көмектеседі.
2. Артық салмақтан арылуға көмектеседі
Тұрақты түрде велосипед айдау арқылы калорияны жағуға болады. Бұл семіздік пен метаболизм бұзылуының алдын алады.
3. Көңіл-күйді жақсартады
Жол бойы таза ауада болу, табиғатты тамашалау – миды тынықтырып, күйзелісті азайтады. Физикалық белсенділік серотонин мен эндорфиннің бөлінуін арттырады, бұл адамның көңілін көтереді.
4. Бұлшық еттерді күшейтеді
Аяқ, жамбас, арқа және іш бұлшық еттері белсенді жұмыс істейді. Бұл дене пішінін жақсартып, денені шынықтырады.
5. Экологиялық қауіпсіз
Велосипед – экологиялық таза көлік түрі. Ол ауаға зиянды заттар шығармайды, қаладағы шу мен кептелісті азайтуға сеп болады.
Велосипед тебуге қанша уақыт бөлу керек?
Дүниежүзілік денсаулық сақтау ұйымы аптасына кемінде 150 минут орташа қарқынды дене белсенділігін ұсынады. Бұл – аптасына 3–5 рет 30–60 минут велосипед тебу деген сөз.
Қауіпсіздік ережелері:
- Міндетті түрде шлем киіңіз.
- Жол ережелерін сақтаңыз.
- Қараңғы уақытта жарық шағылыстыратын кеудеше және шам пайдаланыңыз.
- Велосипедті техникалық тексеріп отырыңыз.
Қорытынды
Велосипед тебу – денсаулыққа пайдалы ғана емес, сонымен бірге көңілді, экологиялық және үнемді көлік түрі. Аптасына бірнеше рет серуенге шығып, белсенді болу – ұзақ өмір мен сергек көңіл-күйдің кепілі.