Астанада NU базасында ҚР Ғылым және жоғары білім министрі Саясат Нұрбек пен Корея Республикасының Ғылым және ақпараттық-коммуникациялық технологиялар министрі Ли Чжон Хо мырзаның қатысуымен ғылыми-техникалық және цифрлық ынтымақтастықты нығайту мәселелерін талқылау үшін «Қазақстанның көрнекті ғылыми-техникалық зерттеушілері» тақырыбында дөңгелек үстел өткізілді. Кездесуге екі министрліктің өкілдері, сондай-ақ ҚР Цифрлық даму, инновациялар және аэроғарыш өнеркәсібі министрлігінің «ҰАТ» АҚ өкілдері, Алдыңғы қатарлы технологиялардың Корей институты (KAIST) басшылығы, екі елдің университет қызметкерлері, сонымен қатар KAIST және басқа да жетекші Корей университеттерін бітірген үздік студенттер қатысты -деп хабарлайды ҚР Ғылым және жоғарғы білім минстрлігі ресми сайты.
![АСТАНАДА ҚАЗАҚСТАН-КОРЕЯ ҒЫЛЫМИ-ТЕХНИКАЛЫҚ ЫНТЫМАҚТАСТЫҚТЫ НЫҒАЙТУ МӘСЕЛЕЛЕРІ ТАЛҚЫЛАНДЫ](https://bsh.kz/wp-content/uploads/2024/06/WhatsApp-Image-2024-06-17-at-11.30.14-771x1024.jpeg)
Талқылаудың негізгі тақырыбы жоғары білім саласындағы екіжақты ынтымақтастықтың келешегі болды. Тараптар екі ел арасындағы академиялық байланыстарды нығайтуға бағытталған бірлескен білім беру бағдарламалары мен ғылыми жобаларды құруға мүдделілік танытты.
Министр Саясат Нұрбек «Болашақ» бағдарламасының еліміздің ғылыми әлеуетін дамытуға елеулі үлес қоса алатын жоғары білікті мамандарды даярлаудағы маңыздылығын атап өтті. Ол Оңтүстік Кореяда білім алған бағдарлама түлектерінің бірлескен бастамаларды жүзеге асыру үшін пайдалануға болатын бірегей білімі мен тәжірибесі бар екенін атап өтті.
Министр Ли Чон Хо өз кезегінде Оңтүстік Кореяның ғылым мен технология саласындағы жетістіктерін атап өтіп, елдер арасында тәжірибе мен білім алмасудың маңыздылығына тоқталды. Ол сондай-ақ екі елдегі академиялық ынтымақтастықты нығайтып, білім сапасын арттыруға мүмкіндік беретін студенттер мен оқытушылар алмасу бағдарламаларын құру мүмкіндігін қарастыруды ұсынды.
![АСТАНАДА ҚАЗАҚСТАН-КОРЕЯ ҒЫЛЫМИ-ТЕХНИКАЛЫҚ ЫНТЫМАҚТАСТЫҚТЫ НЫҒАЙТУ МӘСЕЛЕЛЕРІ ТАЛҚЫЛАНДЫ](https://bsh.kz/wp-content/uploads/2024/06/WhatsApp-Image-2024-06-17-at-11.30.13-1.jpeg)
Жиында бірлескен жобаларды жүзеге асыру және ғылыми зерттеулер мен инновацияларды дамытудың нақты қадамдары талқыланды.
Қорытындылай келе, қатысушылар Қазақстан мен Оңтүстік Корея арасындағы жоғары білім саласындағы ынтымақтастық табысты дамып келе жатқанына сенім білдірді. Олар бірлескен жобалар мен бағдарламалар студенттер мен ғалымдарға жаңа мүмкіндіктер туғызып, екіжақты қарым-қатынастарды нығайтуға және екі елдің ғылым мен білім саласын дамытуға көмектесетінін атап өтті.
Дөңгелек үстел аясында Оңтүстік Кореяның Ғылым және АКТ министрлігі жанындағы Алдыңғы қатарлы технологиялардың Корей институты (KAIST) мен Ғылым министрлігі жанындағы «Халықаралық бағдарламалар орталығы» АҚ арасындағы өзара түсіністік туралы меморандумға қол қою рәсімі өтті.
БШ ақпарат