Рәміздер күні: мерекелеудің мәні
Рәміздер күні – бұл әрбір қазақстандық үшін мақтаныш пен патриотизмнің мерекесі. Бұл күні біз өз рәміздерімізді ұлықтап, олардың маңызын түсінеміз. Еліміздің рәміздері бізді біріктіреді, рухани күш береді және болашаққа деген сенімімізді нығайтады.
Бұл мереке аясында елімізде әртүрлі іс-шаралар ұйымдастырылады: салтанатты жиындар, көрмелер, концерттер, патриоттық акциялар. Мұндай іс-шаралар арқылы жастарды елін сүюге, оның тарихы мен мәдениетін құрметтеуге тәрбиелеу маңызды. Әсіресе, мектептер мен жоғары оқу орындарында өткізілетін тәрбие сағаттары мен кездесулер жастардың патриоттық сезімін арттыруға бағытталған.
«Мемлекеттік рәміздер күніне орай, жастар саясаты саласында 1000-нан астам іс-шара ұйымдастырылды. Мереке аясында Мемлекеттік туды көтеру рәсімі, көліктер шеруі өтті. Кей өңірлердегі белсенділер «Taxi Show» зияткерлік акциясын бастады.
Әлеуметтік желілерде Қазақстан студенттер Альянсы ұйымдастырған «Рәміздерім – мақтанышым» атты челленджге 20 мың адам қатысты.»- деп хабарлайды Қазақстан Республикасының Мәдениет және ақпарат министрлігі.
Дайындаған: Касымова Томирис