АЗАМАТТЫҚ АВИАЦИЯ АКАДЕМИЯСЫНА ҚЫТАЙЛЫҚ СЕРІКТЕС ЖОО ДЕЛЕГАЦИЯСЫ КЕЛДІ

Жаңалық Жоғарғы білім


Қытайдың Азаматтық авиация университетінің (CAUC) делегациясы Алматы Азаматтық авиация академиясында жұмыс сапарымен болды. Делегаттар қатарында – CAUC вице-президенті YANG Xin Sheng, CAUC жоғары оқу орнынан кейінгі білім беру мектебінің деканы WANG lei, CAUC халықаралық қатынастар департаменті директорының орынбасары Liu Yuanyuan, CAUC информатика колледжінің деканы li Haifeng және «Бір белдеу және бір жол» Халықаралық ынтымақтастық қауымдастығының Бас хатшысы Қарлығаш Минжасарова.

Іс сапар барысында оқытушылар мен студенттердің академиялық ұтқырлығы, ҚХР үкіметінен гранттарға түсу, магистранттар мен докторанттарды бірлесіп оқыту, сондай-ақ студенттер арасында инновациялық және кәсіпкерлік жобалар саласындағы ынтымақтастық бағыттары талқыланды.

Екі тарап ұшқышсыз ұшу аппараттарының операторларын даярлау, оқу зертханаларын тренажерлармен және симуляторлармен жарақтандыру, сондай-ақ нұсқаушыларды даярлау саласындағы бірлескен екі дипломдық бағдарламаның перспективаларын сөз етті.

Бірлескен зерттеулер бағытындағы әріптестік Қазақстан мен Қытай Үкіметтерінің авиациядағы цифрландыру және зияткерлік жүйелер саласындағы гранттарына өтінімдер беруді, сондай-ақ магистранттар мен докторанттардың ғылыми зерттеулері саласындағы ынтымақтастықты қамтиды.

CAUC делегациясының сапары академиялық және ғылыми байланыстарды нығайтуға, бірлескен білім беру және зерттеу жобаларын дамытуға, сондай-ақ екі университеттің студенттері мен оқытушыларына мүмкіндік беруге бағытталған.

Добавить комментарий

Ваш адрес email не будет опубликован. Обязательные поля помечены *